हलके हलके जोजवा, बाळाचा पाळणा
पाळण्याच्या मधोमध फिरतो खेळणा
सजली गं मऊ मऊ, मखमालीची शैय्या
निजली गं बाळाची, गोरी गोरी काया
बाळ रुपडे देवाचे, भुलविते लोचना
कुर्र करा कानात, हळूच भेटा गं
बारश्याचा सोहळा, घुगर्या वाटा गं
आज बाई इंद्राचा दरबार ठेंगणा
हाले हा नंदाघरी पालणा
त्यात देखणा, गोजिरवाणा, हसतो गोकुळ राणा
ओठ लाल ते, डोळे चिमणे, हास्यातून त्या फुले चांदणे
स्वरुप सुंदर लोभसवाणे, मोहून घेई मना
बोल बोबडे ते भाग्याचे, शब्द वाटती ते वेदाचे
रुणझूणताती घुंगुरवाळे, येई धेनूना पान्हा
नंद यशोदा करीती कौतूक, आनंदाचे अमाप ते सुख
मायपित्याविण कसे कळावे, सौख्य तयाचे कुणा
Women sing in praise of the newborn comparing the infant to Lord Krishna on the occasion of his naming ceremony in this Marathi song.
Women compare a newborn to Lord Krishna sometimes calling him Govind or Gopal in this naming ceremony song in Marathi.
