Marathi Children's Songs and Nursery Rhymes

जिंकू किंवा मरू

माणुसकीच्या शत्रुऊसंगे युद्ध आमुचे सरू
जिंकू किंवा मरू

लढतिल सैनिक , लढू नागरिक
लढतिल महिला, लढतिल बालक
शर्थ लढ्याची करू, जिंकू किंवा मरू

देश आमुचा शिवरायाचा,
झाशीवाल्या रणराणीचा
शिरतळहाती धरू,
जिंकू किंवा मरू

शस्‍त्राघाता शस्‍त्रच उत्तर
भुई न देऊ एक तसूभर
मरू पुन्हा अवतरू

हानी होवो कितीहि भयंकर
पिढ्यापिढ्या हे चालो संगर
अंती विजयी ठरू
जिंकू किंवा मरू